"Qarabağ"ın futbolçusu Marko Yankoviç Avropa Konfrans Liqası pley-off mərhələsinin "Gent"lə matçından öncə təşkil olunan mətbuat konfransında iştirak edib.

Newsport.az-ın məlumatına görə, 27 yaşlı yarımmüdafiəçi sabah çox vacib oyuna çıxacaqlarını bildirib:

- Sabah çox çətin və çox vacib matça çıxacağıq. Konfrans Liqasının bu mərhələsində asan rəqib yoxdur. Oyun bizim üçün vacibdir. Sabaha qədər bir məşqimiz var. "Gent"ə qarşı yaxşı mübarizə aparmağa çalışacağıq.

- Çempionatdakı heç-heçələrdən sonra futbolçularda psixoloji durum necədir?

- Əvvəlki matçların nəticələrin bu oyuna aidiyyatı yoxdur. Bu, Avropa oyunudur. Sabah bizə heç bir təsiri olmayacaq. Əlimizdən gələni edəcəyik ki, doğma azarkeş qarşısında qələbə qazanaq.