"Rapid"in baş məşqçisi Ferdinand Feldhofer Konfrans Liqasının üçüncü təsnifat mərhələsinin “Neftçi” ilə oyunundan əvvəl keçirilmiş mətbuat konfransında iştirak edib.
Newsport.az-ın məlumatına görə, avstriyalı mütəxəssis sabah baş tutacaq oyunla bağlı bunları deyib:
"Sabah çox güc sərf etməliyik. Qələbə qazanmaq üçün daha çox pressinq edib, qol epizodları yaratmaq lazımdı. Bakıda istifadə edə bilmədiyimiz epizodları sabah reallaşdırmalıyıq.
- “Neftçi” Bakıdakı kimi intensiv oynasa, nə edəcəksiniz?
- Aktiv olacağıq və hücum etmək istəyirik. Standart vəziyyətlərdən də istifadə etmək lazımdı.
- Sabah “Rapid”in hansı üstünlüyü olacaq?
- Öz meydanımızda oynamağımız bizim üstünlüyümüzdü. Bundan istifadə edərək hücuma atılmaq lazımdı.
- Qələbə üçün iki qol bəs edəcək?
- Minimum bir qol vurmalıyıq. Ki, növbəti mərhələyə adlamaq şansımız davam etsin. Bütün gücümüzü toparlamalıyıq ki, nəticə qazanaq. “Neftçi”nin gücü bizə aydındı. Onların özünəməxsus oyun stili var.
- Rəqibin hücumlarının qarşısını necə alacaqsınız?
- İlk oyundakı səhvlərimizi öyərnmişik. Əsasən “Neftçi”nin cinahlardakı reydlərinin qarşısını almaq lazımdı.