Futbol üzrə Fransa çempionatında 23-cü tura yekun vurulub.

Newsport.az-ın məlumatına görə, ilk oyun günündə bir qarşılaşma keçirilib. “Qarabağ”ın Konfrans Liqasındakı rəqibi “Marsel” bu turda “Anje”nin müqavimətini qırmağa çalışıb. Yeddi qolun qeydə alındığı oyunda meydan sahibləri darmadağına seviniblər.

Şənbə günü “Sent-Etyen” “Monpelye”ni qəbul edib və inamlı qələbəyə sevinib. “Lion” isə çətin “Monako” səfərindən xalsız dönüb.

Turun əksər görüşləri sonuncu oyun günündə baş tutub. “Trua” – “Mets” matçında qapılara qol vurulmayıb.

“Loryan” “Lans”ı, “Strasburq” “Nant”ı, “Renn” isə “Brest”i məğlub yola salıb. “Nitsa” doğma meydanda “Klermon”a uduzubsa, “Reyms” “Bordo”nu 5 cavabsız qolla məğlub edib.

Turun mərkəzi görüşündə “Lill” doğma meydanda PSJ ilə üz-üzə gəlib. Paris təmsilçisi səfərdə darmadağına sevinib.

Fransa Liqa 1, 23-cü tur

4 fevral

Marsel – Anje 5:2
Qol: Milik, 18; 70; 78. Jerson, 21. C.Ündər, 85 – Fulgini, 8. Bentaleb, 11.

5 fevral

Sent-Etyen – Monpelye 3:1
Qol: Hamuma, 82. Nordin, 90. Xazri, 90+2 – Vahi, 11.

Monako – Lion 2:0
Qol: Lukas, 2. Ben Yedder, 27.

6 fevral

Loryan – Lans 2:0
Qol: Soumano, 43. Kone, 76.

Nitsa – Klermon 0:1
Qol: Raşani, 77.

Reyms – Bordo 5:0
Qol: Ekitike, 40. Munetsi, 46; 76. Matusiva, 59. Faes, 62.

Strasburq – Nant 1:0
Qol: Linard, 74.

Trua – Mets 0:0

Renn – Brest 2:0
Qol: Laborde, 20. Terrye, 90.

Lill – PSJ 1:5
Qol: Botman, 28 – Danilo, 10; 51. Kimpembe, 32. Messi, 38. Mbappe, 67.

Bombardir: Vissam Ben Yedder (“Monako”) – 13 qol.