UEFA Konfrans Liqasının qrup mərhələsindən sonra növbəti dəfə futbolçuların statistik göstəriciləri açıqlanıb. 

Newsport.az xəbər verir ki, ən yaxşılar arasında "Qarabağ"ın futbolçusu Kevin Medina da var.

O, dəqiq ötürmə sayında ilk 5-liyə düşüb. 28 yaşlı oyunçunun qrup mərhələsindəki dəqiq ötürmələrinin sayı 369-dur ki, bununla o, ən yaxşı 5-ci göstəriciyə malikdir. Bu baxımdan ilk iki yerdə “Alkmaar”ın (Niderland) oyunçuları Bruno Martins İndi və Xordi Klasye qərarlaşıb. Martinsin 527 ötürməsindən 494-ü ünvana çatıb. Bu isə 94 faizlik dəqiqlik deməkdir.

Qeyd edək ki, H qrupunda 11 xalla ikinci yeri tutan “Qarabağ” pley-off mərhələsində Fransa klubu “Marsel”lə qarşılaşacaq.