Çempionlar Liqasının qrup mərhələsində VI turun 2 oyunu başa çatıb.
Newsport.az-ın məlumatına görə, F qrupunda 1/8 finala vəsiqəni ötən tur təmin etmiş "Borussiya" (Dortmund) Rusiyada "Zenit"ə 2:1 hesabı ilə qalib gəlib.
Matçda hesabı 16-cı dəqiqədə meydan sahiblərinin heyətində Sebastian Druissi açıb. 68-ci dəqiqədə Lukaş Pişşek, 79-cu dəqiqədə isə Aksel Vitselin qolları qonaqlara əzmkar qələbə qazandırıb.
Bu nəticədən sonra xallarını 13-ə çatdıran Dortmund təmsilçisi növbəti mərhələyə lider kimi adlayıb. "Zenit" isə qrup mərhələsini 1 xalla sonuncu sırada başa vurub.
"Zenit" (Rusiya) - "Borussiya" (Dortmund, Almaniya) 1:2
Qollar: Driussi, 16 - Pişek, 68, Vitsel, 79