"Dinamo" Çempionlar Liqası pley-off mərhələsinin "Qarabağ"la ilk matçına ciddi itki ilə çıxa bilər.

Newsport.az xəbər verir ki, Marko Pyatsa komandanın məşqi zamanı ayağından zədə alıb. 29 yaşlı futbolçu ölkə çempionatının 3-cü turunun "Şibenik"lə matçında (3:0) iştirak etməyib.

Xorvatiya millisinin üzvünün "Qarabağ"la oyuna kimi hazır olacağı gözlənilir. Lakin təcrübəli futbolçunun ilk 11-likdə meydana çıxacağı real görünmür.

Qeyd edək ki, "Dinamo" - "Qarabağ" qarşılaşması 20 avqust tarixində baş tutacaq. Komandalar arasında ikinci oyun isə ayın avqustun 28-i Bakıda keçiriləcək.