Azərbaycan Premyer Liqasının 9-cu turunun "Qəbələ" - "Sabah" görüşündən sonra ev sahiblərinin baş məşqçisi mətbuat konfransında danışıb.

Newsport.az-ın məlumatına görə, bölgə klubunun çalışdırıcısı Elmar Baxşıyev matçla bağlı bunları deyib:

"Şanslarımız oldu, dəyərləndirə bilmədik. 1 oyunda alınır, digərində alınmır. Bu gün "Sabah" bizdən daha yaxşı oyun nümayiş etdirdi. Çalışacağıq ki, növbəti oyunlarda bundan da yaxşı oyun göstərib, qələbə qazanaq.

Oyuna yaxşı köklənmişdik, 2-ci yerə qalxa bilərdik. Yaxşı anlayırdıq bunu. Amma alınmadı. Bizim də hədəfimiz bundan sonra yuxarı pillələrdi. İnanıram ki, futbolçular da bunun üçün əlindən gələni edəcək".