Transfer çalışmalarını davam etdirən “Kəpəz” heyətini daha bir futbolçu ilə gücləndirib.

Newsport.az xəbər verir ki, bu barədə klubun mətbuat xidməti məlumat yayıb.

Gəncə təmsilçisi moldovalı yarımmüdafiəçi Viktor Stinanın keçidini rəsmiləşdirib. 28 yaşlı hücumameyilli yarımmüdafiəçi ilə mövsümün sonunadək müqavilə imzalanıb.

Son olaraq Moldovanın “Zimbru” klubunun formasını geyinən Viktor Stina ölkəsinin milli komandasında da çıxış edib. O, Moldova millisinin heyətində keçirdiyi 30 oyunda 4 qol vurub.

Qeyd edək ki, "Kəpəz" bu yay Rojerio Santos, Vadim Abdullayev,  Azuma Abubakar, Urfan Abbasov və Kennet Kalunqanı da heyətinə cəlb edib.