Bu gün Bakı Futbol Federasiyasının təşkilatçılığı ilə “Sabahın Ulduzları” layihəsi çərçivəsində məlumatlandırma sessiyası və imza mərasimi keçirilib. 

Newsport.az xəbər verir ki, tədbirdə çıxış edən BFF-nin prezidenti Tahir Süleymanov bu layihə ilə uşaq futbolunun yeni təməlinin qoyulacağına inandığını bildirib:

“İstəyimiz uşaq-gənclər futbolunun inkişafıdır. Yorğunuq, kiçik kollektivlə böyük işlər görməyə çalışırıq. Bizə yaradılan şəraitə görə AFFA-ya, tərəfdaşlarımıza və xüsusilə Sərdar Salmanzadəyə təşəkkür edirəm. Bakı Futbol Federasiyası və "Sabahın ulduzları" yarışlarının əsas sponsoru "Alpex" şirkəti olacaq. İnanıram ki, bu gün Azərbaycan futbolunda ən ağrılı sahəsi olan uşaq-gənclər futbolunun yeni təməlini qoyuruq".