"Neftçi"nin baş məşqçisi Yuri Vernidub DÇ-2026-dakı favoritləri haqqında danışıb.

Newsport.az xəbər verir ki, "Ukrainskiy futbol" nəşrinə danışan "ağ-qaralar"ın çalışdırıcısı mundialda hansı futbolçuların özünü yaxşı tərəfdən göstərə biləcəyini də söyləyib:

"Məni ən çox təsirləndirən Fransa yığmasıdır. Onlar hazırda ən güclü milli komandaya malikdirlər. Digərlərinə gəldikdə isə, İspaniya millisində çoxlu istedadlı gənc oyunçuya malik komandadır. Argentina isə hazırkı dünya çempionu kimi möhtəşəm bir qüvvə olaraq qalır.

Dünya çempionatında ən çox qol vuran oyunçusu kim ola bilər? Bəlkə də Osman Dembele. Düşünürəm ki, o, buna layiqdir. Mən şəxsən onu həqiqətən bəyənirəm. Olise də iddialıdır. Yamala gəldikdə isə, o, da öz izini qoya bilər. Çox maraqlı gənc futbolçudur. Bəli, son vaxtlar onun üçün işlər yaxşı getməyə bilər, amma düşünürəm ki, bu, daha çox onun gəncliyi ilə bağlıdır. Lakin düşünürəm ki, o, məhz çempionatda özünü toparlaya və ən yaxşılardan biri olduğunu göstərə bilir".