“Sabah” heyətini yeni futbolçu ilə gücləndirib.

Newsport.az xəbər verir ki, bu barədə klubun mətbuat xidməti məlumat yayıb.

Braziliyalı müdafiəçi Junior Erivaldo Almeyda ilə 3 illik müqavilə bağlanıb. 26 yaşlı futbolçu Portuqaliyanın “Maritimu” klubundan transfer edilib. 

Mərkəz müdafiəçisi karyerası ərzində Braziliyanın “Novorizontino” (2020-2023), “Katanduva” (2021), “Votuporanguense” (2022), Portuqaliyanın “Eştrela Amadora” (2022-2023) və “Maritimu” (2024-2026) komandalarında oynayıb.

Xatırladaq ki. "Sabah" bundan əvvəl Yunis Laçabı və Eyden Makkartini də transfer edib.