“Sabah” kapitan Pavol Şafranko ilə yollarını ayırıb.

Newsport.az xəbər verir ki, slovakiyalı hücumçu ilə mövsümün sonunda başa çatan müqavilənin müddəti yenilənməyib. Bu barədə klubun mətbuat xidməti məlumat yayıb.

Pavol 2024-cü ildən komandanın uğurları üçün çalışırdı. O, Masazır təmsilçisinin heyətində keçirdiyi 55 oyunda 18 qol vurub, 3 məhsuldar ötürmə edib.

Təcrübəli hücumçu “Sabah”la bir dəfə Azərbaycan çempionu, iki dəfə isə ölkə kubokunun qalibi olub.

Klub Pavola xidmətlərinə görə təşəkkür edib, ona gələcək karyerasında uğurlar arzulayıb.