"Karvan-Yevlax" Misli Premyer Liqasının 15-ci turunda səfərdə "İmişli" ilə 1:1 hesablı heç-heçə edib.

Newsport.az xəbər verir ki, qonaqların məşqçisi Füzuli Məmmədov oyundan sonra keçirilən mətbuat konfransında fikirlərini bölüşüb:

"Meydançanın vəziyyəti və hava şəraiti futbolçular üçün çox çətin idi. Ağır oyun oldu. Əlbəttə ki, bura qələbə üçün gəlmişdik. Qalib gələ də, uduza da bilərdik. Oyunun ədalətli nəticəsi heç-heçə idi. Futbolçularıma təşəkkür edirəm. Çətin hava şəraitinə rəğmən döyüşkənlik göstərdilər. Hesabda geri olsaq da, onlar əzmkarlıq göstərib bərabərlik qolunu vurdular. Qarşıdakı matçlara hazırlaşacağıq".