Futbol üzrə Xorvatiya çempionatında 22-ci turun oyunları keçirilib.
Newsport.az-ın məlumatına görə, Azərbaycan millisinin hücumçusu Mahir Emrelinin komandası – Zaqreb “Dinamo”su da növbəti matçına çıxıb.
Sözügedən komanda səfərdə “İstra 1961” ilə qarşılaşıb. Zaqreblilər bu oyundan qələbə ilə ayrılıblar – 2:1.
Mahir bu görüşün iştirakçısı olmayıb. “Dinamo” ilə yenicə müqavilə bağlayan futbolçunun adı matçın iştirak ərizəsinə də daxil edilməyib.
“Dinamo” hazırda 46 xalla 10 iştirakçı arasında zirvədə qərarlaşıb.