İngiltərənin “Liverpul” klubunun daha bir futbolçusunda koronavirus aşkarlanıb.
Newsport.az xəbər verir ki, Mersisayd təmsilçisinin yarımmüdafiəçisi Tyaqo Alkantaranın koronavirus testi müsbət çıxıb.
Bu barədə klubun mətbuat xidməti məlumat yayıb. İspan yarımmüdafiəçi bu səbəbdən Premyer Liqanın 18-ci turunun “Tottenhem”lə səfər matçını buraxıb.
“Liverpul”da daha əvvəl Vircil van Deyk, Fabinyo və Kurtis Cons koronavirusa yoluxmuşdu.
