“Mançester Yunayted” və İngiltərə millisinin sabiq futbolçusu Rio Ferdinand çempionatın ən güclü müdafiəçisinin adını açıqlayıb.

Newsport.az xəbər verir ki, veteran futbolçuya görə liqanın ən güclüsü “Çelsi”nin müdafiəçisi Antonio Rüdigerdi: “Tuhelin gəlişindən sonra Rüdiger Premyer Liqanın ən yaxşı mərkəz müdafiəçisinə çevrilib. Ruben Diaş səviyyəcə ona yaxındı. Sadəcə Rüdigerin “Çelsi”nin oyununa təsiri daha çoxdu. Komandanı Frenk Lempard çalışdıranda açıq-aşkar görünürdü ki, Antonio oyun stilinə uyğun gəlmir.

O, Rüdigeri bəyənmirdi. Hətta söz-söhbət gəzirdi ki, onu satmaq istəyirlər. Almaniya millisində ona həmişə çox yaxşı yanaşıblar. Amma klubda baş məşqçi səni qiymətləndirmirsə, inamsızlıq yaranır və yüksək səviyyədə oynamağın problemə çevrilir”.

​Cari mövsüm Rüdiger Premyer Liqada 5 oyun keçirərək 1 qol vurub.