İspaniya La Liqasına yüksələn "Kadis" klubu ilk transferini reallaşdırıb.

Newsport.az klubun saytına istinadla xəbər verir ki, əndəlüslər İspaniya millisinin keçmiş hücumçusu Alvaro Neqredonu transfer edib. 34 yaşlı hücumçu ilə 1 illik müqavilə imzalanıb.

Təcrübəli futbolçunun son klubu BƏƏ-nin "Əl-Nəsr"i olub. İspaniyalı futbolçu "Real", "Almeriya", "Sevilya", "Mançester Siti", "Valensiya", "Midlzbro" və "Beşiktaş" kimi klublarda da çıxış edib.