Bu gün "Sabah" basketbol klubu avrokuboklarda D qrupunda ilk oyununu keçirib.

Newsport.az xəbər verir ki, ölkə çempionu Monteneqroda "Mornar"ın qonağı olub. "Sabah"ın qrupdakı startı uğursuz alınıb. Belə ki, Boban Mitevin rəhbərlik etdiyi kollektiv rəqibinə məğlub olub.

“Mornar” (Monteneqro) -“Sabah”  (Azərbaycan) - 80:75 (22:22, 21:17, 16:13, 21:23)

Qrupun digər oyununda isə “Bahçeşehir Kolleji” Çexiyanın “Nimburk” klubuna evdə 88:89 hesabı ilə uduzub.

"Sabah" növbəti oyununu oktyabrın 25-də Bakıda "Bahçeşehir Kolleji”nə qarş ıkeçirəcək. Qarşılaşma saat 19:00-da başlayacaq.