"Sabah" Basketbol Klubu Serbiyada keçirilən təlim-məşq toplanışı çərçivəsində ilk yoxlama oyununu keçirib.
Newsport.az xəbər verir ki, Azərbaycan çempionu FIBA Avropa Kubokunun təsnifat mərhələsinə hazırlıq çərçivəsində ilk rəqibi Serbiyanın "Vrsac" klubu olub.
Vrsac şəhərinin "Millenium" arenasında keçirilən və oyunun gedişində əldə olunan razılığa əsasən 3 period davam edən görüş rəqibin 62:57 hesablı qələbəsi ilə başa çatıb.