Yeniyetmə şahmatçılardan ibarət Azərbaycan millisi Niderlandın Eyndhoven şəhərində keçirilən Ümumdünya Şahmat Olimpiadasına qələbə ilə başlayıb.
Newsport.az-ın məlumatına görə, yığma komanda ilk turda Paraqvayı 4:0 hesabı ilə məğlub edib.
Fərid Abbasovun kapitanı olduğu komandanın heyətində Read Səmədov, Xaqan Əhməd, Cahandar Azadəliyev və Nərmin Abdinova çıxış edirlər.
Yarışda 47 ölkədən 63 komanda mübarizə aparır.