Azərbaycan paracüdo millisi Niderlandın Rotterdam şəhərində keçirilən Avropa paralimpiya çempionatında daha 4 medal qazanıb.
Newsport.az xəbər verir ki, qadın cüdoçuların yarışında Xanım Hüseynova (70 kq) çempion olub.
Dürsədəf Kərimova (+70 kq) gümüş mükafata yiyələnib. Xatirə İsmiyeva (+70 kq) isə bürünc medalla kifayətlənib.
İsmayıl Muradov (60 kq) da AÇ-ni bürünc medalla başa vurub.
Xatırladaq ki, ötən gün Azərbaycanın digər paracüdoçuları Şəhanə Hacıyeva (48 kq) qitə birinciliyinin qalibi olub, Namiq Abaslı (73 kq) isə gümüş medal qazanıb.