Muay-tay üzrə Azərbaycan millisinin daha iki üzvü Polşada təşkil olunan 3-cü Avropa Oyunlarında bürünc medalla kifayətlənib.
Newsport.az-ın məlumatına görə, Emili Rzayeva və Aysu Dərvişova bu gün növbəti görüşünə çıxıb.
63,5 kq çəki dərəcəsində çıxış edən Rzayeva yarımfinalda Tereza Steçova (Çexiya) ilə üz-üzə gəlib. Rəqibinə uduzan Emili bürünc medalla kifayətlənib.
57 kq çəki dərəcəsində çıxış edən Dərvişova isə Patrisiya Axlinqlə (İsveç) üz-üzə gəlib. Aysu da rəqibinə uduzub və bürünc medalla kifayətlənib.
Xatırladaq ki, daha öncə Azərbaycan millisinin üzvü Xəyal Əliyev də yarışı bürünc medalla başa vurmuşdu.