Azərbaycanın daha iki yunan-Roma güləşçisi Tiranada keçirilən U-17 Avropa çempionatında medal qazanıblar.

Newsport.az-ın məlumatına görə, 45 kq çəki dərəcəsində mübarizə aparan Turan Daşdəmirov finalda Rustem Abatsiyevlə (Rusiya) qarşılaşıb. Rəqibinə 7:4 hesabı ilə qalib gələn Daşdəmirov Avropa çempionu olub.

 51 kq-da çıxış edən  Əli Seyidəlili  3-cü yer uğrunda görüşdə belaruslu Maksim Zaxarova 3:1 hesabı ilə qalib gəlib və bürünc medal qazanıb.

Qadın güləşçilərdən isə Ruzanna Məmmədova (57 kq) yarımfinalda Suzanna Horbiki (Polşa) 5:1 hesabı ilə məğlub edib. O, iyunun 15-də finalda macarıstanlı Sofi Ritterlə qarşılaşacaq.

Qeyd edək ki, daha əvvəl yunan-Roma güləşçilərindən Elnar Ziyadov (48 kq), Ayxan Cavadov (55 kq) Elmin Əliyev (80 kq) və Mahir Qurbanlı (110 kq) turnirdə bürünc medala yiyələniblər.