“Sərhədçi” İdman Mərkəzində Azərbaycan Basketbol Liqasının “Sabah” və “Gəncə” komandaları arasında final seriyasının ikinci oyunu baş tutub.
Newsport.az-ın məlumatına görə, gərgin və maraqlı mübarizə şəraitində davam edən oyunun sonuna yaxın üstünlüyü əldən verən “Sabah” komandası 74:78 hesabı ilə məğlub olublar.
Bu qələbə ilə “Gəncə” seriyadakı hesabı bərabərləşdirib – 1:1.
Final seriyasının üçüncü oyunu mayın 24-də saat 19:30-da baş tutacaq.
Ən məhsuldar basketbolçular “Gəncə”dən Kollin Törner (14 xal, 7 ribaund), “Sabah”dan isə Entoni Patti (26 xal, 14 ribaund) olublar.