Ermənistanın paytaxtı İrəvanda keçirilən ağır atletika üzrə Avropa çempionatda qızıl medal qazanan türkiyəli atlet Cansu Bektaş Azərbaycana dəstək nümayiş etdirib.
Newsport.az-ın məlumatına görə, o, qazandığı uğurla bağlı ölkəsindən olan jurnalistlərə açıqlamasında bunları söyləyib:
“Çox xoşbəxtik. Qazandığımız medalları azərbaycanlı həmkarlarımıza ərmağan edirik. Onlara salam olsun. Sizi çox sevirik, yanınızdayıq”.
Xatırladaq ki, Cansu Bektaş 45 kq-da fəxri kürsüyə qalxıb. O, birdən qaldırmada 72 kiloqramın öhdəsindən gələrək qızıl medala sahib olub. O, bir gün öncə baş tutan AÇ-nin açılış mərasimində Azərbaycan bayrağının yandırılması və nəticədə yığmamızın turnirdən imtinası səbəbindən qazandığı uğuru ölkəmizə həsr edib.