Serbiyanın paytaxtı Belqraddakı güləş dünya çempionatı davam edir.
Newsport.az-ın məlumatına görə, Azərbaycanın yunan-Roma güləşçisi Murad Məmmədov (60 kq) bu gün bürünc medal uğrunda Fumita Keniçiro (Yaponiya) ilə qarşılaşıb.
Rəqibinə 1:5 hesabı ilə uduzan Məmmədov 5-ci yerlə kifayətlənib.
Beləliklə, yunan-Roma güləşçiləri mundialı 5 medalla başa vurub. Eldəniz Əzizli (55 kq) qızıl, Ülvi Qənizadə (72 kq) gümüş, Taleh Məmmədov (63 kq), Həsrət Cəfərov (67 kq) və Arif Niftullayev (97 kq) bürünc medala sahib çıxıb.