“Böyük dəbilqə” seriyalı turnirlərin altıqat qalibi Karlos Alkarasın məşqçisi Xuan Karlos Ferrero ilə uzun müddətdir davam edən tərəfdaşlığına son qoyulmasının səbəbi məlum olub. “Clay Tennis”in yaydığı məlumata görə, Ferrero ilə tennisçinin atası arasında fikir ayrılıqları var.

Alkarasa yaxın mənbənin nəşrə bildirdiyinə görə, Ferrero ilə Alkarasın atası arasında oyunçunun karyerasını necə idarə etmək barədə ciddi fikir ayrılıqları olub.

Alkaras son vaxtlar məşq üçün Ferreronun Vilyendəki akademiyasına getməkdən daha çox imtina etməyə başlamışdı. Bunun əvəzinə o, Ferreronun məktəbindən bir saatlıq məsafədə yerləşən və Alkarasın atası tərəfindən idarə olunan və tennisçinin fəal şəkildə təbliğ etdiyi El Palmardakı tennis akademiyasında məşq edir.