8-10 noyabr 2024-cü il tarixlərində Rusiyanın paytaxtı Moskva şəhərində "Moscow  Karate Universe - 2024" beynəlxalq karate yarışı keçirilib.

 

Newsport.az-ın məkumatına görə, Azərbaycan Karate Federasiyasının böyüklərdən ibarət yığma komandasının üzvləri  şəxsi kumite yarışlarında Teymurova Fidan -50 kq (bürünc medal), Sadıqova Mədinə -55 kq (bürünc medal), Quliyev Əminağa -60 kq (bürünc medal), Hüseyn Məmmədli -67 kq (bürünc medal),  Heydərov Roman kata üzrə gümüş medal qazanıb.

 

Karateçilərimiz beynəlxalq yarışa Azərbaycan Karate Federasiyasının vitse-prezidenti Rəhman Hətəmovun və AKF -nin böyüklərdən ibarət yığma komandasının baş məşqçisi Şahin Atamovun rəhbərliyi ilə yollanıb.

 

Qeyd edək ki, beynəlxalq yarışda 15 ölkədən  (Rusiya, Türkiyə, Azərbaycan, Qırğızıstan, Qazaxıstan, Pakistan, Belarusiya, Ermənistan, İtaliya, Bolqarıstan, Venesuela, Tunis, Misir, Özbəkistan və Hindistan) 350-ə yaxın karateçi mübarizə aparıb.