Avropa çempionatının təsnifat mərhələsində mübarizə aparan kişi voleybolçulardan ibarət Azərbaycan millisi bu gün Avstriyaya yola düşüb. Newsport.az xəbər verir ki, B qrupunda yer alan komandamız ilk oyununu sabah Avstriya yığmasına qarşı keçirəcək.

Təsnifat mərhələsindəki növbəti oyun avqustun 24-də Bakıda Belçika yığmasına qarşı olacaq.

Qitə birinciliyinin təsnifat mərhələsində çıxış edəcək millimizin yekun heyəti də bəllidi:

Hücumçular: Vüqar Bayramov, Andrey Melnikov, Cavid Əzimov, Yusif Bünyatov, Aslan Həmidov, Ruslan Əliyev

Blokçular: Elmin Alışanov, Mərdan Məmmədov, Ramazan Ağabəyov

Toppaylayıcılar: Roman Qurskiy, Əmirmehdi Ablou, Vüsal Rüstəmov

Liberolar: Kənan Allahverdiyev, Nihad Qasımov

Baş məşqçi: Fərid Cəlalov

Köməkçi məşqçilər: Akif Vəliyev, Ülvi Rəcəbli

Qeyd edək ki, sabahkı Avstriya - Azərbaycan görüşü Bakı vaxtı ilə saat 22:30-da başlayacaq.