Dubayda çimərlik futbolu üzrə dünya çempionatına yekun vurulub. Braziliya milli komandası finalda İtaliyaya 6:4 hesabı ilə qalib gələrək 15-ci dəfə dünya çempionu olub. Oyunun 17-ci dəqiqəsində italyanlar qırmızı vərəqə alaraq azlıqda qalıblar.
3-cü yer uğrunda oyunda İran seçməsi Belarusdan üstün olaraq bürünc medalları qazanıb. Belarus millisinin üzvü Briştel dünya çempionatının ən yaxşı bombardiri olub.
Xatırladaq ki, çimərlik futbolu üzrə dünya çempionatı 1995-ci ildən keçirilir. Sonuncu dəfə braziliyalılar 2017-ci ildə Baham adalarında keçirilən mundialda titul qazanmışdılar. Ondan sonrakı çempionatlarda isə yarımfinala belə çıxa bilməmişdilər.