Azərbaycanın kişilərdən ibarət basketbol millisi DÇ-2027-nin seçmə mərhələsində ilk qələbəsini qazanıb.
Newsport.az-ın məlumatına görə, Tahir Baxşıyevin baş məşqçisi olduğu komanda Avropa zonası üzrə A qrupunun II turunda Kosovonu üstələyib.
“Sərhədçi” İdman Mərkəzində baş tutan qarşılaşmada yığmamız 87:77 hesablı qələbə qazanıb. Qeyd edək ki, Azərbaycan millisi ilk turda İsveçrəyə (53:72) məğlub olub.