Xorvatiyada güləş üzrə “Zaqreb Open” turniri davam edir.

Newsport.az xəbər verir ki, bu gün Azərbaycanın daha üç güləşçisi turnirdə mübarizəyə başlayacaq.

Yunan-Roma güləşçilərindən Murad Məmmədov (63 kq) və Həsrət Cəfərov (67 kq), qadınlardan isə Jalə Əliyeva (57 kq) qüvvəsini sınayacaq.

Qeyd edək ki, daha əvvəl bu növdə Sənan Süleymanov (77 kq) qızıl medal əldə edib.

Sərbəst güləşçilərdən Əliabbas Rzazadə, Nürəddin Novruzov (hər ikisi 61 kq) və Cəbrayıl Qadjiyev (74 kq), həmçinin, Alyona Kolesnik (59 kq) də bürünc mükafata sahib çıxıb.