Çempionlar Liqasının ilkin mərhələsində bu gün son oyununu keçirən “Araz-Naxçıvan”ın kapitanı Rizvan Fərzəliyev Avropa rekordunu təkrarlayıb.
Newsport.az-ın məlumatına görə, futzalçımız Lusionun rekorduna təkrarlamaqla yadda qalıb.
Həm də millimizin kapitanı olan Fərzəliyev Latviya çempionu “Raba” ilə dueldə 69-cu dəfə klub səviyyəsində beynəlxalq rəsmi görüş keçirib. O, ilk dəfə 6 oktyabr 2003-cü ildə bu turnirin keçmiş adı – UEFA Kubokunda debüt edib.
Həmin vaxt kapitan AMMK-nın heyətində yer alıb. UEFA-nın rəsmi səhifəsi də Rizvanın Lusionun 69 oyunluq rekordunu təkrarladığını qeyd edib.
“Araz-Naxçıvan” bu qarşılaşmada 8:4 hesablı qələbə qazanıb.