“Omoniya” “Qarabağ”la oyuna aparıcı futbolçuları olmadan çıxacaq

Kateqoriya: Konfrans Liqası | Tarix: 19.11.2021 11:45

Kiprin “Omoniya” komandası Avropa Konfrans Liqasının qrup mərhələsinin 5-ci turu çərçivəsində Bakıda qarşılaşacağı “Qarabağ”la oyunda aparıcı futbolçularının xidmətindən yararlanmaq istəmir. Newsport.az xəbər verir ki, Nikosiya təmsilçisinin baş məşqçisi Henninq Berq turnirdə iddiaları qalmadığı üçün fərqli start heyəti meydana buraxmağı planlaşdırır.

52 yaşlı norveçli mütəxəssis aparıcı oyunçularından yalnız daxili çempionatda yararlanmaq niyyətindədir. Komanda Kipr çempionatında 8 oyundan sonra 10 xalla 8-ci yerdədir.

Noyabrın 25-də Tofiq Bəhramov adına Respublika stadionunda keçiriləcək “Qarabağ” – “Omoniya” matçına saat 21:45-də start veriləcək.

Dörd oyundan sonra 10 xal toplayan “Qarabağ” H qrupunda liderdir və vaxtından əvvəl pley-offa vəsiqəni təmin edib. Kipr klubu isə 2 xalla 3-cü sırada qərarlaşıb.

Paylaş