"Roma"nın baş məşqçisi Joze Mourinyonun baş məşqçilik karyerasında bir ilk yaşanıb.

Newsport.az xəbər verir ki, bu, "Roma"nın Avropa Konfrans Liqasının qrup mərhələsinin 3-cü turunda Norveçin "Budo Qlimt" klubuna 1:6 hesabı ilə məğlub olduğu oyunda baş verib. İlk dəfə portuqaliyalı mütəxəssisin çalışdırdığı bir komanda qapısından 6 top buraxıb.

Qeyd edəkki, Joze Mourinyo məşqçilik karyerasına 2002-ci ildə başlayıb. 58 yaşlı mütəxəssis bu müddət ərzində "Benfika", "Uniao de Leyrya", "Porto", "Çelsi", "İnter", "Real", "Mançester Yunayted" və "Tottenhem"i çalışdırıb. Mourinyo baş məşqçi kimi 1008 matçda komandalarının başında olub.