“Qarabağ”ın Konfrans Liqasının qrup mərhələsindəki rəqiblərindən “Kayrat” Qazaxıstan Premyer Liqasında növbəti oyununu keçirib.

Newsport.az-ın məlumatına görə, Almatı təmsilçisi XX turda “Ordabası”nın qonağı olub. Matça sürətli başlayan ev sahibləri ilk hissədə 2 cavabsız qolla önə keçib. Hissənin sonlarına yaxın “Kayrat” meydanda azlıqda qalıb. Aibol Abiken birbaşa qırmızı vərəqə alıb. Buna baxmayaraq, “Qarabağ”ın rəqibi 73-cü dəqiqədə fərqi minimuma endirməyi bacarıb. Joze Kante fərqlənib.

Lakin “Kayrat”ın bundan artığına gücü çatmayıb və 1:2 hesabı ilə məğlub olub. Bu nəticədən sonra 3-cü pillədə qalan “Kayrat”ın aktivində 37 xal var.