“Keşlə” Konfrans Liqasına Qəbələdə hazırlaşacaq

Kateqoriya: Konfrans Liqası | Tarix: 11.06.2021 11:24

Azərbaycanı Avropa Konfrans Liqasında təmsil edəcək “Keşlə”nin hazırlıq planı müəyyənləşib. Newsport.az xəbər verir ki, geridə qalan mövsümdə Azərbaycan kubokunun qalibi olan bu komanda iyunun 15-dən etibarən məşqlərə başlayacaq.

Sənan Qurbanovun çalışdırdığı komandanın hazırlıq planı iki mərhələdən ibarət olacaq. Birinci mərhələdə Bakıda məşqlərə başlayacaq komanda, iyulun 1-də Qəbələyə yollanacaq. Bakı toplanışından öncə komanda üzvləri tibbi-müayinədən keçəcəklər. İyunun 27-də Bakıda yoxlama matçı planlaşdırılır.

1-14 iyul tarixlərini əhatə edəcək ikinci mərhələdə komanda Qəbələdə 5, 10, 14 iyul tarixlərində üç yoxlama matçı keçirməyi planlaşdırır.

Yoxlama oyunları üçün bütün rəqiblər barədə ətraflı məlumat veriləcək.

Paylaş