Bu gün UEFA 2014/15 mövsümündə Çempionlar Liqasında yarışan klubların gəlirlərini açıqlayıb.

Newsport.az-ın qurumun saytına istinadən yaydığı xəbərə görə, qrup mərhələsində oynayan komandalar 8,6 milyon avro gəlir əldə edəcək.

Bu mərhələdə hər qələbəyə 1 milyon avro, heç-heçə görə 500 min avro pul mükafatı ayrılıb. 1/8 finalda oynayan 3,5 min avro, 1/4 finala yüksələn komanda isə 3,9 milyon avro qazanacaq.

Yarımfinalçıya 4,9 milyon avro, finalçı komandaya isə 6,5 milyon avro pul mükafatı veriləcək. Çempionlar Liqasının qalibi 10,5 milyon avro ilə mükafatlandırılacaq.