Peşəkar Futbol Liqasının prezidenti Ramin Musayev "Şamaxı" - "Neftçi" matçından sonra jurnalistlərin suallarını cavablandırıb.

Newsport.az həmin müsahibəni dəqqitinizə çatdırır:

- Çox maraqlı oyun oldu. Ən azından bu, bölgə üçün bir hədiyyədir. İnsanların üzündəki sevinc heç nə ilə əvəz oluna bilməz. İlk oyun idi. "Şamaxı" komandası pis oynamadı. 

- Futbolun bölgələrə qayıdışının davamı olacaq?

- Yüz faiz. Ən vacib olan işğaldan azad olunan torpaqlara futbolun qayıtmasıdır. Orada stadionların tikilməsi nəzərdə tutulur. Hər bölgənin öz komandası olacaq.

- Həmin bölgələr müəyyənləşib?

- Hər rayonda stadion tikiləcək.

- Bu, hansı müddətlə olacaq?

- O baxır maliyyəyə. 

- "Keşlə" mövsümün sonunadək Bakıda məşq edəcək...

- Adaptasiya olmağa görə belə edilir. Növbəti mövsümdən tam olaraq Şamaxıya köçməyi klub rəhbərliyi bilər.