Almaniyanın "Borussiya" (Dortmund) klubunun türkiyəli futbolçusu Nuri Şahinin müsahibəsi...

- Dizinin vəziyyəti necədir?

- İndi heç bir ağrı yoxdur. Əməliyyatım çox yaxşı keçdi. Hazırda özümü yaxşı hiss edirəm.

- Əməliyyat olmağın əvvəlcədən planlaşdırılmışdı ?

- Xeyr, planlaşdırılmamışdı. Lakin sonradan vacib olduğu bilindi. Dizimdə olan problem həll olundu. İndi çox rahatam. Bu vəziyyət hazırda mənim üçün çox yaxşıdır.

- Bundesliqanın birinci dövrəsində yaşıl meydanlara qayıda biləcəksən ?

- Hazırda konkret bir cavab verə bilmərəm. Həkimlər necə məsləhət bilsələr elə də olacaq. Tamamilə sağaldıqdan sonra geri dönmək istəyirəm.

- Həkimlərin düşündüyü tarix nə vaxtdır?

- Reabilitasiya müddəti bitən kimi komanda ilə məşqlərə başlayacağam.

- Hazırda dizlərini tərpədə bilirsənmi?

- Bu, mənim üçün heç yaxşı olmaz. Amma qısa müddət ərzində dizlərimi və fiziki durumumu inkişaf etdirəcəm.

Mənbə: Almaniyanın "BİLD" nəşri

Tərcümə etdi: İlkin Sultanlı