Almaniya millisinin baş məşqçisi Yoahim Löv DÇ-2022-nin seçmə mərhələsinin 3-cü turunda Şimali Makedoniyaya (1: 2) məğlubiyyəti şərh edib.

Newsport.az "Bild"ə istinadən xəbər verir ki, o deyib: “Bu, böyük bir məyusluqdur. Yorğun görünürdük. Səhv etdik, topu yavaş-yavaş irəlilədirdik. Hücumda tez-tez topu itirirdik və müdafiə kifayət qədər güclü deyildi".

Löv məğlubiyyətin bir neçə səbəbi olduğunu vurğulayıb: "Acınacaqlıdır. Yavaş oynadıq, çox pis ötürmə etdik. Top itkisi və zəif mövqe oyunu səbəbindən əks-hücum təşkil edə bilmədik. Qolların reallaşması vacib bir mövzudur, amma burada sehrli bir düstur yoxdur. Son matçlarda şansları qaçırdıq, hətta bu gün də qətiyyətsiz idik".