Bu gün Çempionlar Liqasının 1/8 final mərhələsində daha iki cavab oyunu keçiriləcək. Newsport.az xəbər verir ki, Madrid "Real"ı öz meydanında "Atalanta"nı qəbul edəcək. İspanlar fevralın 24-də keçirilmiş ilk qarşılaşmada 1:0 hesablı qələbəyə seviniblər.

"Mançester Siti" pandemiya səbəbindən Almaniyanın "Borussiya" (Mönhenqladbax) klubunu Macarıstanda qəbul edəcək. Qarşılaşma Budapeştdəki "Puşkaş Arena"da baş tutacaq. Bu stadiondakı ilk görüşdə 2:0 hesablı qələbə qazanan “şəhərlilər” növbəti mərhələyə adlamaq üçün böyük üstünlüyə malikdir.  

Çempionlar Liqası
1/8 final, cavab oyunları

00:00. “Real” (Madrid, İspaniya) – “Atalanta” (İtaliya)
Madrid, “Alfdredo di Stefano” stadionu. Baş hakim: Danni Makkeli (Niderland)
İlk oyun - 1:0

00:00. “Mançester Siti” (İngiltərə) – “Borussiya” (Mönhenqladbax, Almaniya)
Budapeşt, "Puşkaş Arena". Baş hakim: Sergey Karasyev (Rusiya)
İlk oyun - 2:0

Qeyd edək ki, 1/8 final mərhələsinə martın 18-də keçiriləcək "Çelsi" (İngiltərə) - "Atletiko" (İspaniya) və "Bavariya" (Almaniya) - "Latsio" (İtaliya) matçları ilə yekun vurulacaq. Daha əvvəl Almaniyanın "Borussiya" (Dortmund), Portuqaliyanın "Portu", İngiltərənin "Liverpul" və Fransanın PSJ klubları 1/4 finala vəsiqə qazanıblar.