Mövsümün sonunda Dieqo Qodini "Atletiko"dan azad agent statusu ilə heyətinə qatacaq "İnter" daha bir həmləyə hazırlaşır.

Newsport.az İtaliya mətbuatına istinadən xəbər verir ki, Milan təmsilçisi mövsümün sonunda "Bayern"lə müqaviləsi bitəcək Aryen Robbeni də almaq istəyir. "Göy-qaralar" 34 yaşlı yarımmüdafiəçinin keçidi üçün hərəkətə keçib.

Qeyd edək ki, 2009-cu ildən Münhen klubunda çıxış edən hollandiyalı futbolçu cari mövsüm 15 oyuna 5 qol vurub.