Portuqalıyanın "Sportinq Lissabon" klubu argentinalı gənc futbolçu Markos Rojonu "Mançester Yunayted"ə satdıqlarını və Rojonun transferi qarşılığında portuqalıyalı ulduz Nanini "Mançester"dən kirayə götürdüklərini rəsmi olaraq açıqlayıb.

Newsport.az saytının məlumatına görə, ingilis klubu rəsmi internet saytında xəbəri təsdiqləyib. Gənc müdafiəçi ilə 5 illlik müqavilə bağlayan "Qırmızı-şeytanlar" 20 milyon avro ödəməyə razı olub. Rojo yeni klubunda 5 nömrəli forma ilə çıxış edəcək.

Müqavilədən sonra açıqlama verən 24 yaşlı futbolçu "Manşester" kimi klubda oyanayacağı üçün xoşbəxt olduğunu bildirib:

"Yuxularım gerçək oldu desəm yanılmaram. "Mançester Yunayted" forması geyəcəyim üçün qürür duyuram".

Qeyd edək ki, argentinalı gənc müdafiəçi keçən sezon "Sportinq" formasıyla çıxdığı 28 maçta 6 qol vurmağı bacarmışdı.