“Boka Xuniors”un futbolçusu Karlos Teves karyerasını bitirəcəyi vaxtı açıqlayıb.

Newsport.az-ın məlumatına görə,  argentinalı hücumçu komandası ilə müqaviləsi başa çatdıqdan sonra futboldan gedəcəyini bildirib: “Boka Xuniors”la müqavilə müddətim başa çatdıqdan sonra butsılarımı mıxdan asacam. Məşqçi və klub rəhbəri olmaq fikrində deyiləm. Karyerama "Boka Xuniors"da son qoyacam".

34 yaşlı futbolçunun “Boka Xuniors”la müqavilə müddəti 2019-cu ilin 31 dekabrında bitəcək. Teves "Korintians", "Vest Hem", "Mançester Yunayted", "Mançester Siti", "Yuventus" və "Şanxay Şenhua" klublarında da çıxış edib. O, Argentina millisinin heyətində 76 oyuna 13 qol vurub.