21 yaşadək futbolçulardan ibarət Kosovo millisinin məşqçisi Ərdoğan Çelina açıqlama verib.

Newsport.az xəbər verir ki, baş məşqçi Rafet Prekazinin köməkçisi olan mütəxəssis yerli mətbuata açıqlamasında Avropa çempionatının seçmə mərhələsində yığmamıza qalib gəldikləri (2:0) oyun və növbəti turda Almaniya ilə qarşılaşacaqları matç haqda danışıb:

“Bir neçə gündür havanın sərt olmasına baxmayaraq, uşaqlar iradə göstərdilər. Azərbaycan üzərində qələbə bizə müsbət təsirini göstərib. Qalib gəldiyimiz üçün Almaniya ilə görüşə rahat hazırlaşırıq. Bu oyunu səbirsizliklə gözləyirik. Ümid edirəm ki, azarkeşlərimizi məyus etməyəcəyik”.