Klubların yeni reytinq cədvəli açıqlanıb.

Newsport.az xəbər verir ki, 442 klubun yer aldığı siyahıda ölkəmizdən də 7 klub yer alır.

Təmsilçilərimiz arasında ən yaxşı göstəriciyə malik “Qarabağ” yeni cədvəldə geriləyib. Bir neçə gün öncə UEFA Çempionlar Liqasının qrup mərhələsinin son turunda, səfərdə İtaliyanın “Roma” klubuna məğlub olan təmsilçimiz, iki pillə geriləyərək 20.500 xalla 68-ci sırada qərarlaşır.

 Qeyd edək ki, digər klublarımızdan  “Qəbələ”  5.250 xalla 191-cidir. “Neftçi”, “Keşlə”, “Zirə”, “Kəpəz” və hazırda fəaliyyət göstərməyən “Xəzər Lənkəran” isə 3.825 xalla 244-cü pilləni bölüşürlər.