“Neftçi” qış transfer pəncərəsində heyətini gücləndirmək üçün fəaliyyətini davam etdirir.

Newsport.az-ın məlumatına görə, paytaxt klubunun baş məşqçisi Elxan Abdullayev “Trabzonspor”da əsas heyətə düşə bilməyən Ramil Şeydayevin transferi üçün Türkiyədədir. Mütəxəssis gənc futbolçunu “Neftçi”də oynaması üçün razı salmağa çalışacaq. Elxan Abdullayev Trabzon klubunun rəhbərliyi və milli komandamızın üzvüylə danışıqlar aparacaq.

Bir müddət əvvəl Türkiyə mətbuatında Qara dəniz təmsilçisinin Şeydayevi “Neftçi”yə göndərəmə hazır olduğu haqda məlumatlar yayılmışdı. Abdullayev gənc forvardın saqqızını oğurlaya bilsə, Şeydayev “Neftçi”də çıxış edəcək. (Sportal.az)