İtaliya millisinin sabiq üzvü Mario Balotelli Avropa Liqasının qrup mərhələsinin V turunda baş tutacaq "Nitsa” – "Şalke” oyununda iştirak edə bilməyəcək.

Newsport.az xəbər verir ki, bu barədə "Nitsa”nın rəsmi saytı yayıb. Məlumatda bildirilir ki, Mario zədələndiyi üçün "Şalke” ilə komandasına kömək edə bilməyəcək. O, zədəsi səbəbindən Fransa çempionatının XIII turu çərçivəsində "Sent Etyenn”lə oyunu da buraxmışdı. 
 
Qeyd edək ki, adıçəkilən görüşü Azərbaycanlı FİFA referisi Əliyar Ağayevin başçılıq etdiyi hakimlər briqadası idarə edəcək.