Türkiyə Super Liqasında 3-cü turun oyunları keçirilib.

Newsport.az-ın məlumatına görə, Azərbaycan yığmasının müdafiəçisi Ufuk Budağın komandası - "Kayserispor" da növbəti matçına çıxıb.

Sözügedən klub doğma meydanda "Qalatasaray" ilə qarşılaşıb. Futbolçumuzun komandası bu oyundan heç-heçə ilə ayrılıb - 1:1.

Ötən tur "Fənərbaxça"ya qol vuran Ufuk bu görüşə də start heyətdə başlayıb və sonadək mübarizə aparıb.

Qeyd edək ki, "Kayserispor" 3 turdan sonra 2 xalla 18 klub arasında 14-cü pillədə qərarlaşıb.